呢份早餐睇落好健康，其實。。。
身邊的朋友都知道，我不嗜甜，連生果都唔鍾意食 (係，呢個營養師唔鍾意食生果🤣)。早兩日起身諗住煮早餐，原本係食幾隻雲吞加灼菜，配鮮奶咖啡，已經有齊澱粉質，蛋白質加纖維。
點知咖啡粉無晒，工人姐姐又話 “啲香蕉仲有幾隻熟到快爛，快啲幫手食啦”。於是我的早餐變成灼菜，香蕉，鮮奶。其實呢個配搭都仲係算均衡嘅，但就衰喺隻蕉度囉。
香蕉有營養大家都知，但熟的香蕉，並非人人啱食，尤其是血糖高和需要體重管理的朋友。
香蕉綠色同黃色 (未出斑點前) 算係低升糖指數的生果，除了有纖維，亦有阻抗性澱粉 (resistant starch)，對血糖影響低，亦有益生元，有助促進腸道益菌群健康。
當香蕉出斑點後，其阻抗性澱粉變得易消化吸收，亦會令血糖容易上升。
固此我通常建議，未全熟香蕉適合需控制血糖和體重管理的朋友; 而已熟或出斑點香蕉就適合小朋友和消化力較差的朋友。
仲有，除非屋企人多，最好每次限量購買，否則香蕉好多時係 “一鑊熟”，食唔晒，又唔想做大嘥鬼，唯有一日食幾隻熟蕉，健康都變唔健康。
#我最鍾意黃色
#我都好鍾意香港
#香蕉成熟時
#營養師 #Nutritionist #AnnieLee
Search